Размер шрифта
A- A+
Межбуквенное растояние
Цвет сайта
A A A A
Изоображения
Дополнительно

Праздники и развлечения

ФАЛЬКЛОРНАЕ СВЯТА “КАЛЯДКІ”

 Задачы: працягваць далучаць дзяцей да культуры беларускага народа; зацікавіць святам, стварыць добры настрой, жаданне ўдзельнічаць у ім; выхоўваць у дзяцей пачуццё гонару за сваю мову, краіну, народ.

 Гучыць песня “Сёння ў нашай хаце свята…”

Музычная зала ўпрыгожана ў адпаведнасці са зместам свята.

Гаспадар:-Ой,жонка, нешта горача ў нашай хаце!

Гаспадыня:- Рыгорка, дык я тры дні ў печы паліла, смажыла, пякла, каб толькі калядоўчшыкі зайшлі, нашай хаты не мінавалі.

Гаспадар:- Ай, Божа, які чугун цяжкі, відаць, куцця будзе смачная, галубка мая.

Гаспадыня:- Ой, нешта лыжкі пападалі! Мусіць госцейкі і да нас прыйдуць.

Калядоўчшыкі:- Ой, ішла каляда калядуючы праз сяло

                            Зайшла ж яна да пана пад акно (3 разы)

Звяздар:- Добры вечар у хату

                 Нашы ягамосці

                 Прыбылі да вас сення мы ў госці!

Механоша:- Гэй, Гаспадыня, не тамі гасцей.

Хлопец:- Бо мы знаем, што сядзіш дома на ўслонцы і лічыш чырвонцы!

Дзяўчынка: Не дай нам, Гаспадынечка, доўга стаяць,

                    на тваім двары сняжок таптаць.

Павадыр:- Просім выйсці на ганачак,

                  Просім вынесці нам падаруначак.

Гаспадыня:- Хоць я не багата, а гасцям заўсёды рада.

Звяздар:- Чым, гаспадынька, будзеш частаваць?

Гаспадыня:- Было б за што дзенькаваць!

    Песня “Зайграй-жа мне дударочку”

    Калядныя вершы

 Гаспадыня:- Дзякуй вам, паважаныя, за цудоўную песню, за вершы. Заходзьце, заходзьце хутчэй, каляда чакае гасцей. Што маю, тым і прымаю!

Звяздар:- Мы не толькі самі прыйшлі, мы казу прывялі. А ну, козанька, пакажы, на што ты здольная.

    Песня- харавод  “Го-го-го, каза”  (каза падае)

 Хлопец:- Устань, козанька, расхадзіся, нашай Гаспадынечцы нізка пакланіся. Да саменькіх ножак, хай дасць піражок.

Дзяўчынка:- Гаспадыня ў рэшаце бліны нам валачэ. Ключыкамі звякае, каморачку адапрэ.

Механоша:- А за гэты піражок- каб на другі год каласок, а з таго каласка – поўна бочка жыта нарасла    (каза падымаецца)

Павадыр:- Пакланіся ўсім і старым, і малым,

                  Закладай рогі, падбірай свае ногі.

                   З гэтай хаты выхадзі, бяду, гора вынасі,

                   Уцякай хутчэй з гаспадаравых вачэй!

Звяздар:- Дай, божа, табе, гаспадынечка,

                І ў каморы, і ў аборы.

Гаспадар і Гаспадыня:Дзякуй вам,калядоўчшыкі, што нашу хату не мінулі !                      Чакаем вас у наступны год!

 Песня “Запражыце сівых коней”

 Шчодра:- Ці падабаецца вам свята ?

                 Ну калі вы нам рады

                 І мы вам да парады,

                 То, як кажуць нашы людзі,

                  Хай вам да спадобы

                  Будуць жарты, песні.

                  Бо без песні

                  Жыць няёмка, хоць ты трэсні!

                   А якія ж каляды без песень!

   Песня- танец “Лявоніха”

Шчодра:- А зараз ізноў гуляць будзем і пець будзем.

    “Частушкі”

     Гульня “Падушачка”

Шчодра:- Ці падабаюцца вам нашы гульні? Тады людзі добрыя не сядзіце, казу весялуху ў карагод вазьміце. Хто з казою патанцуе, таму ў Новым годзе пашанцуе.

 Песня «Бывайце здаровы»

Канспект заняткаў склаў выхавальнік вышэйшай катэгорыі

 Беспалая Вера Васільеўна

Разделы сайта